Udalekuei buruzko bilera informatiboa egingo dute hilaren 25ean
Udaleko pleno aretoan izango da hitzordua, 17:15ean. Aurreratu dute izena emateko prozesuan aldaketa batzuk egongo direla.
Datorren asteartean –hilak 25– Oiartzungo udalekuei buruzko bilera informatiboa egingo dute udaleko pleno aretoan, 17:15ean. Jakinarazi dutenez, izen ematea martxoaren 3tik 13ra izango da, eta 360 plaza eskainiko dituzte uztaileko hamabostaldi bakoitzerako. Hala ere, udalak aurreratu du beste 40 plaza gordeko dituztela beste zerbitzuetatik eratorritako beharrei erantzute aldera.
Era berean, izena emateko prozesuan ere aldaketa batzuk egongo direla gehitu dute, baina horiek sakonago astearteko hitzorduan azalduko dituzte. Aurten izen ematea hamabostaldika egin beharko da, eta plazak beteko balira martxoaren 26an egingo lukete bilera. Haatik, zehaztu dute bi txandetan izena ematea posible dela.
Helbide honetatik egin behar da izen ematea.
