Herriko txikiek eurena egin dute Oiartzun
Elizalde Herri Eskolak antolatutako Karroxa eta kalejira egin dituzte Ihoteetako azken egunean. Elizalden hasi eta Doneztebe plazan amaitu dute ibilbidea.
Atzo izan zen Ihoteetako azken eguna, agurraren eguna, alegia, baina azken txanpaz gozatzeko hainbat aukera izan zituzten herritarrek. Diana izan zuten herrian lehenbizi, eta herriko txikienen txanda izan zen gero. Izan ere, goizeko hamaiketan, Elizalde Herri Eskolak antolatutako Karroxa eta kalejira atera ziren Beheko plazatik. Ohiko ibilbidea aldatu egin behar izan zuten, baina hori ez zen inolako oztoporik izan oiartzuarrentzat, jende andana elkartu baitzen kaleetan barrena dantza egiteko prest.
Elizalde Herri Eskolatik eman zioten ibilbideari hasiera, eta handik Elorrondo kalea igaro, eta Beluteneko biribilgunera joan ziren. Arraskularren kaletik jarraitu zuten gero, eta Ibargain eskolaren paretik Euskal Herria enparantzara sartu ziren jarraian. Azkenik, ibilbidea amaitzeko asmoz, Doneztebe plazara joan ziren bizilagunak.
Ibilbidean zehar zenbait geldialdi egin zituzten dantzarik dantza egin zezaten.
Jarraian, HITZAk bildu dituen zenbait irudi:
