Hemen dira Trintxerpeko inauteriak
Antxoko, Donibaneko eta San Pedroko inauterien ajea pasata, Trintxerpekoak hilaren 7tik 9ra bitartean ospatuko dira. Barrutiko eragileek programazio zabala ondu dute.
Antxoko, Donibaneko eta San Pedroko inauterien ajea pasata, Trintxerpeko inauterien txanda helduko da asteburu honetan. Ohi bezala, Trintxerpe beste barrutiak baino astebete geroago murgiltzen da mozorroaren festan, eta aurten hilaren 7tik 9ra bitartean ospatuko dituzte inauteriak. Trintxerpeko Jai Batzordeak eta herriko eragileek programazio anitz eta zabala prestatu dute inauteriez gozatzeko. Mozorrotzeko gaia lanbide eta ogibideena izango da. Sustatzaileek, gainera, balkoiak koloretako oihalekin eta puxikekin apaintzeko eskatu diete trintxerpetarrei.
Trintxerpeko inauteriak
Hilak 7, ostirala
- 11:00: Karmengo Amako ikasleen desfilea Trintxerpeko kaleetan barrena.
- 21:00: Konpartsen aurkezpena frontoian.
Hilak 8, larunbata
- 12:30: Kuadrillen poteoa txarangarekin, Serafin Esnaola plazatik abiatuta.
- 17:00: Konpartsa eta kuadrillen desfilea. Ibilbidea: Gudari plaza, Euskadi etorbidea eta Correos. Konpartsak: Lezoko Eztandak, Txasiss, Show Time, Boveda eta Fama.
- 19:00: Burrunba Elektrotxaranga. Ibilbidea: Euskadi etorbidea (Correos), Gudari plaza eta Serafin Esnaola.
- 21:00: Inauterietako haur afari Karmengo Amako gimnasioan (Informazio gehiago Ekaitza elkartearekin).
- 00:00: DJ Bens eta DJ Torros, Serafin Esnaola plazan.
Hilak 9, igandea
- 12:00: Buruhandi eta erraldoien konpartsa txistulariekin. Ibilbidea: Euskadi etorbidea, Gudari plaza eta Serafin Esnaola.
- 17:00: Konpartsa eta kuadrillen desfilea. Ibilbidea: Gudari plaza, Euskadi etorbidea eta Correos.
- 19:00: Bakailaoaren ehorzketa. Ibilbidea: Azkuene, Euskadi etorbidea eta portua.
