Hurrengoan helduko dira final handira
EPLEko Erremintako Palista taldeak ez du lortu Ohorezko Mailako Kluben Arteko Euskal Ligako final handira heltzea.
EPLEko talde osoa Plentziako Kai Eder pilotalekuan. Argazkia: EPLE Txapelketa ona jokatu badute ere, ez dute nahikoa izan EPLEko Erremintako palistek Ohorezko Mailako Kluben Arteko Euskal Ligako final handira iristeko.
Joan den ostiralean jokatu zuten finalaurrekoa Plentziako Kai Eder pilotalekuan eta gehiago izan ziren etxeko palistak EPLEkoak baino, merezitako finalerako txartela eskuratuz.
Larruzko Paletan Eskisabelek eta Rubenek 35-21 galdu zuten; Yorelek eta Abelek, Berriz, Pala Motzean ere galdu zuten, 40-28. Club Deportivo nagusi izan zen. Horien maila altua eta etxean jokatzea erabakigarriak izan dira.
Asier Ormaetxea zuzendari teknikoak gidatutako Eskisabel, Eiheramendi, Yorel, Estefano, abel eta Rubenen taldeak txapelketa ona egin du.
Lander Caballero Euskal Ligan, bikain
Lander Caballero EPLEKo manista kadeteak orain arteko bidetik jarraitzen du, aurrerapen bikainak egiten eta emaitza biribilak lortzen. Eskuz Binakako Euskal Liga jokatzen ari da EPLEko harrobikoa Behar Zana klubarekin eta Adur Otaegirekin batera, final handirako txartela lortu du Oses eta Zugasti hernaniarren aurka 22-18 irabazita.
Eneko Sorondo EPLEko manistak ere lortu du txartela finalerako Gipzukoako Eskuz Banakako Trinkete Txapelketako Bigarren Mailan. Intza klubeko Solano 40-26 irabazi zuen Irurako trinketean jokatutako finalerdian.
