Hilaren 23an, Urdiñarbeko maskaradara joateko autobusa
Olarri dantza taldeak Haurtzaro eta Oiartzo ikastolekin batera antolatu du autobusa. Hilaren 17a baino lehen eman behar da izena.
Egun osoko festa izaten dira Zuberoako maskaradak. Dantza eta antzerkia uztartzen dituzte egun horietan, eta urtarrilaren 12an hasita, astebururo egiten dute ekitaldia zenbait herritan.
Hilaren 23an Urdiñarben izango dute hitzordua, eta Olarri dantza taldeak Haurtzaro eta Oiartzo ikastolekin batera autobusa antolatu du. Oiartzungo liburutegian elkartuko dira 9:15ean, eta maskaradak amaitu ondoren egingo dute buelta.
Antolatzaileek jakinarazi dutenez, bazkaria norberak kudeatu beharko du.
10 euro ordaindu behar da autobusa, eta joan nahi duenak mezu bat idatzi behar du hilaren 17a baino lehen.
