Trintxerpe mozorroz bete dute kuadrillek
Txarangak girotuta ibili dira poteoan Trintxerpeko kuadrillak. Bihar arratsalde arte jarraituko du Trintxerpeko inauterietako egitarauak.
12:30ean jarria zuten hitzordua Trintxerpeko kuadrillek poteatzen hasteko. Denetariko pertsonaiak gerturatu dira inauteriak ospatzera: ahateak, minionak, arrain-saltzaileak eta dragoi txinatarra, besteak beste.
Serafin Esnaola plazatik abiatu eta txarangaren atzetik ibili dira poteoan tabernaz-taberna, musikak alaiturik. Kuadrillek, familiek, heldu, gazte edo haurrek; denek baliatu dute haien mozorroak janzteko eta erakusteko aukera.
Atzo hasi ziren Trintxerpen inauteriak ospatzen, eta bihar arte luzatuko dute ospakizuna. Arratsaldean 17:00etan konpartsa eta kuadrillen desfilea egingo dute.
Hilak 8, larunbata
- 17:00: Konpartsa eta kuadrillen desfilea. Ibilbidea: Gudari plaza, Euskadi etorbidea eta Correos. Konpartsak: Lezoko Eztandak, Txasiss, Show Time, Boveda eta Fama.
- 19:00: Burrunba Elektrotxaranga. Ibilbidea: Euskadi etorbidea (Correos), Gudari plaza eta Serafin Esnaola.
- 21:00: Inauterietako haur afari Karmengo Amako gimnasioan (Informazio gehiago Ekaitza elkartearekin).
- 00:00: DJ Bens eta DJ Torros, Serafin Esnaola plazan.
Hilak 9, igandea
- 12:00: Buruhandi eta erraldoien konpartsa txistulariekin. Ibilbidea: Euskadi etorbidea, Gudari plaza eta Serafin Esnaola.
- 17:00: Konpartsa eta kuadrillen desfilea. Ibilbidea: Gudari plaza, Euskadi etorbidea eta Correos.
- 19:00: Bakailaoaren ehorzketa. Ibilbidea: Azkuene, Euskadi etorbidea eta portua.
