Ikasleekin, sorospen ikastaroa
Orereta Ikastolako ikasleek Urdabururen egoitzan lehen sorospen ikastaroa gidatuko dute. Hilaren 25ean izango da, mendizaleen elkartearen egoitzan.
Orereta Ikastolako ikasleak, Touringen egoitzan sorospen ikastaroa ematen.Touring KE Ohikoak izaten dira herrietan sorospen ikastaroak. Urdaburu Mendizale Elkarteak eta Orereta Ikastolak elkarlanean antolatu dutena berezia izango da, ikastetxeko ikasleek bideratuko dutelako. Saio hori hilaren 25ean (asteartea) izango da, Urdabururen egoitzan (Juan Olazabal kalea, 23), 19:00etan hasita. Elkarlan horretatik iritsi den lehen ikastaroa izanen da.
“Ikasleek bideratutako saioa izango da eta bertan bihotz geldialdi bat nola antzeman azalduko dugu. Geldialdiaren aurrean nola jokatu, zer egin ere ikusiko dugu eta desfibrilagailua erabiltzen ere bai. Azkenik, geldialdia sor dezaketen buxaduren aurrean zer egin ere ikusiko dugu”, azaldu dute Urdaburuko kideek.
2018-2019 ikasturtetik jorratzen dute Orereta-Oiartzo Ikastolan lehen sorospenerako arreta eskola-curriculumean, Emergentziak Osakidetza eta EHUko Donostiako Medikuntza eta Erizaintza Fakultatearekin lankidetzan. DBH eta batxilergoko ikasle eta langileek bi urtero formazio-saioak jasotzen dituzte. Hala, ikasitakoa jendartera zabaldu, eta herriko kirol eragileekin lankidetzan ikastaroak egiten ari dira.
Ikastaroan parte hartu nahi dutenek izena emateko herriko mendizaleen egoitzara jo dezakete astearte eta ostegunetan, 19:00etatik 21:00etara. 943 52 78 79 telefono zenbakira hots eginez ere, egun eta ordu horietan eska daiteke. Interneteko formularioa ere egokitu du Urdaburuk izen ematerako.
Erlazionatutako edukiaKirol elkarteentzako lehen sorospenerako arreta-eskolak
