Egiar Otegik Gipuzkoako Eskolarteko finaleko txartela lortu du
Aretxabaletan jokatu zuten Gipuzkoako Eskolarteko txapelketako bigarren kanporaketa, eta Egiar Otegi Torresek irabazi zuen saioa.
Hilaren 7an hasi zen Gipuzkoako Eskolarteko txapelketa, eta Kattalin Arabolaza oiartzuarrak irabazi zuen lehen saioa; finalera pasa zen.
Txapelketako bigarren kanporaketa Aretxabaletan jokatu zuten ostiralean, eta Egiar Otegi Torresek irabazi zuen saioa. Hortaz, finalerako txartela lortu zuen oiartzuar gazteak.
Olatz Zuazubiskarrek aurkeztu zuen saioa, eta kantuan Duna Urteaga, Egiar Otegi, Irati Basurto, Joanes Azpillaga, Kattin Oiartzabal eta Peru Alijostes aritu ziren.
Gipuzkoako Eskolarteko azken bi kanporaketak hilaren 21ean –ostirala– jokatuko dira Amasan eta Aizarnazabalen, eta finala Azpeitian izango da, apirilaren 4ean.
