UEMAren 'Salto' udalekuetan izena eman dezakete gazte lezoarrek
Bi txandatan eman daiteke izena. Udalekuak bitartean Baliarrain-Zaldibia-Ataun-Idiazabal bidea egingo dute, bederatzi egunetan.
'Salto!' udalekuen artxiboko irudia.UEMA Udalerri Euskaldunen Mankomunitateak (UEMA) prest ditu aurtengo udalekuak, Salto! izenburupean egiten dira. 2007 eta 2010 urteen artean (biak barne) jaiotako gazteentzat dira, eta bi txandaren arteko hautua egin dezakete horiekin bat egin nahi dutenek: lehena ekainaren 22tik 30era arrekoa da; bigarrena uztailaren 2tik 10era. Bi txandetan, Baliarrain-Zaldibia-Ataun-Idiazabal herrien arteko bidea egingo dute euskarazko aisia eskaintzarekin bat egiten dutenez. Bederatzi egunez Gipuzkoaren barrualdea ezagutzeko aukera izango da, baita giro euskaldun eta atseginean lagun berriak egiteko ere. UEMAko kide da Lezo, beraz, Lezoko Udalak lezoar gazteei Salto!-rekin bat egiteko proposamena luzatu die. Hilaren 31ra arteko epea dago izen ematerako.
Txanda bakoitzerako 60 toki daude. Hala, udako aisia eskaintzaren oinarrian dago udalerri euskaldunetako gazteek bat egin, euskararen inguruan sentsibilizatu nahiz kontzientziatzea, eta saretzea.
“UEMAk azken urteotan euskararen arnasguneei eta udalerri euskaldunei buruzko Hedatu hezkuntza proiektuan aritu da lanean hezkuntzako ziklo guztietako ikasle, irakasle eta gurasoekin batera. Proiektu horren helburua da gazteei euskararen normalizazio prozesuan duten garrantzia ikusaraztea eta udalerri euskaldunak eta arnasguneak giltzarriak direla nabarmentzea”, azaldu du Lezoko Udalak. Horretarako gazteentzako topaketak eta udalekuak antolatu ditu UEMAk, Eusko Jaurlaritzaren laguntzarekin. Salto! udalekuak testuinguru horretan ulertu behar dira.
