'Putaren bakarrizketa eroetxean' antzezlana, Landetxen
Hilaren 23an izango da antzezlana, 19:00etan, Landetxen. Laura Penagos da antzezlea, eta lanaren zuzendaria, berriz, Ainara Gurrutxaga.
'Putaren bakarrizketa eroetxean' antzezlaneko irudi bat. @laurapenagosactriz Oiartzungo Antzerkizale Elkarteak antolatuta, Putaren bakarrizketa eroetxean antzezlana egingo dute Landetxen hilaren 23an. 19:00etan izango da saioa, eta sarrerak hemen eros daitezke.
Zer du esateko bizitzaz aulki batean eserita eta kameraz inguratuta dagoen emakume batek? Horixe da, hain justu, lanaren sinopsia. Trama, berriz, honakoa da: Emakume bat eroetxe bateko gela batean dago bakarrik, aulki batean eserita eta kameraz inguratuta, ikusten ez dugun doktore batekin hizketan. Emakumea prostituta da, eta elkarrizketan bere istorioa azalduko du. Horrela, hainbat gai azaleratuko dira; hala nola, sexualitatea, bortizkeria, klasismoa eta feminismoa.
Jarraian, antzezlanaren teaserra.
Fitxa teknikoa
- Ekoizpena: Laura Penagos, Garaion Sorgingunea eta MANVCODIATA antzez-sorkuntza.
- Egileak: Franca Rame eta Dario Fo.
- Zuzendaria: Ainara Gurrutxaga.
- Antzezlea: Laura Penagos.
- Itzulpena eta moldaketa: Xabi Martinez de Lezea.
- Argi-diseinua: Arantza Flores Bengoetxea eta Elías Martinez de Lezea.
- Eszenografia eta argi-teknikaria: Elias Martinez de Lezea.
- Argazkiak: Iñaki Aldat.
