Arraguako lehen pala txapelketa egingo dute jaietan
Maiatzaren 11n jokatuko dituzte hirugarren eta laugarren postuak zein finala. Kanporaketak aste batzuk lehenago izango dira.
Arraguako jaietako artxiboko irudi bat. Arraguako jai batzordeak jakinarazi duenez, aurten, lehen pala txapelketa egingo dute 16 urtetik gorako bizilagunek. Izen emate kopurua mugatua da, eta azpimarratu dute bikote mistoek lehentasuna izango dutela eta norberak bere pala eraman beharko duela.
Era berean, lehiaketako zenbait xehetasun ere zerrendatu dituzte antolatzaileek:
- Dirua eskura eta lehen partidua jokatzerakoan eman behar da.
- Partidak 30 tantotara eta teniseko pilotekin izango dira.
- Bikote bakoitzeko kideek auzo berdinekoak izan behar dute.
- Partaide kopuruaren arabera ligaxka edo kanporaketak antolatuko dira.
- Partidak astean zehar jokatuko dira, arratsaldez. Aurkariak adostu beharko dute noiz jokatu, eta denbora tarte bat utziko zaie irabazlea jakinarazteko.
- Bikotea partidara azaltzen ez bada, zuzenean kanporatuta egongo da, eta irabazlea ez bada jakinarazten edo berandu jakinarazten bada, irabazitako eta galdutako bikotea kanporatuta geratuko dira.
Partiden arauak ere zehaztu dituzte:
- Sakea 3tik egin behar da, eta 2ko marra gainditu behar da. “Luze” marra ezin da gainditu.
- Teilatua eta kroskak kolpa daitezke betiere frontisa ukitzen bada. Teilatua zuzenean joaz gero, tantoa txartzat emango da.
- Kantxa ukitu ondoren alboko zutabe zein eserlekuak uki daitezke. Zutabeak ukitu ondoren eta lurra ukitu gabe zuzenean kantxan bote egiten badu, ona izango litzateke.
Kanporaketak arratsaldez izango dira, eta maiatzaren 11n 3. eta 4. postuak eta finala jokatuko dira.
Izena aurrez eman behar da, hemen, eta sarrera bost eurokoa da bikoteko.
Sariak
- 1. saria. Bi sagardotegi menu eta bi pala.
- 2. saria. Tolareko bi menu eta termetako sarerra.
- 3. saria. Bi gosari eta termetako sarrera.
- Lehen bikote mistoak saria izango du.
