Dos-i eta Mirua abesbatzak Madalenaren ermitan
Asteburu betea, Maria Magdalenaren Lagunak Kultur Elkartearen eskutik, datorrena. Izan ere, bi kontzertu antolatu ditu Madalenaren ermitan, ostiralean lehena, eta igandean bigarrena.
Atzo arratsaldean aurkeztu zituzten bi kontzertuak. Asteburu betea, Maria Magdalenaren Lagunak Kultur Elkartearen eskutik, datorrena. Izan ere, bi kontzertu antolatu ditu Madalenaren ermitan, ostiralean lehena, eta igandean bigarrena. Donostiako Dos-i ahots taldeak ariko da ostiraleko hitzorduan, 20:00etan hasita.
Ibilbide luzekoa da Dos-i abesbatzen munduan, eta ostiraleko emanaldian jatorri ezberdinetako pop kantu arrakastatsuen bertsioak abestuko dituzte.
Igandean, Iruñeko Mirua abesbatzak hartuko du lekukoa. 12:00etan hasiko du emanaldia. Lagun talde batek sortu zuen abesbatza, 2010ean kantuan disfrutatzeko. 32 gizon-emakume ari dira gaur gaurkoz, lau ahotsetara abesten dute. Musika-laguntzarik gabe kantatu ohi dute, Ana Tejedorren zuzendaritzapean.
Antolatzaileek bi kontzertuetara deitu dituzte herritarrak, “musikaz gozatzeko aukera paregabea izango baitute”.
