Loraze taldeak 'Hapenin' diskoa kaleratu du
Zortzi abesti ditu lan luzeak, eta plataforma digital guztietan dago entzungai. Aurreratu dute maiatzean hasiko direla kontzertuak ematen.
Oiartzungo eta Errenteria – Oreretako gazteek osatzen dute Loraze taldea, eta berriki haien lehen diskoa kaleratu dute: Hapenin. Gaztain estudioetan egin dituzte grabaketak, eta lanaren azala, aldiz, Ian Estebaranz-ek egin du.
Zortzi abesti ditu lan luzeak:
- Pantallaren islada.
- Beruna.
- Yokallao.
- Nora goaz.
- DH.
- Hegalik gabeko putreak.
- Sutondoan.
- Zebede.
Taldeak jakinarazi du maiatzetik aurrera igoko direla oholtzetara, baina aurreratu dute maiatzaren 10ean Niessen aretoan emango dute kontzertua Mala Ruina taldearekin batera. Kontzertu horretako sarrerak hemen eros daitezke.
Diskoa plataforma digital guztietan entzun daiteke.
