Arrantza askea aldarri, elkarretaratzea antolatu dute San Pedron
Pasaiako Portu Agintaritzak (PPA) arrantza askea debekatu du berriki. Araudi horri aurre egiteko, Arrantza Askearen Mugimenduak elkarretaratzea antolatu du Lonjako zabalgunean, elizaren aurrean, 09:00etatik 12:30etara.
Pasaiako Portu Agintaritzak (PPA) ezarri berri duen araudiari jarraiki, portuan arrantza askean jarduten dutenei isuna jar diezaiekete hilaren 1etik aurrera.
Arrantzaleen haserrea eragin du neurriak, eta bi astetan 1000 arrantzale baino gehiago batu dira sareetan, Arrantza Askearen Mugimendua sortu eta igandean burutuko den elkarretaratzea antolatzeko. San Pedroko Lonjako zabalgunean izango da, 09:00etaik 12:30etara.
Antolatzaileen hitzetan: “Pasaiako portuan, batez ere haur eta adineko pertsonentzat, arrantzak duen kirol eta kultura balioa kontuan hartuta, debeku hutsaren ordez konponbide bidezkoago baten alde borrokatu behar dugu”. Parte hartzaileei arrantzarako kanaberak eramatea eskatu diete.
Programazioa honakoa izango da:
09:00 – 09:30 Kokapena
09:30 – 11:00 Aurkezpena eta testigantzak
11:00 – 12:30 Manifestazio-ibilaldia, argazkia eta agurra
Erlazionatutako edukiaPortuaren eremuan arrantza egiteko debekuaren kontra, elkarretaratzea
