Nazabal eta Zabalak Kluben Arteko Gipuzkoako Txapelketa irabazi dute
Gipuzkoako Joko Garbi Txapelketako finalak jokatu dituzte Madalensoron. Txomin Nazabal eta Andoni Zabala nagusien mailan gailendu dira.
Pasa den asteburuan Oiartzungo Madalensoro pilotalekuan Gipuzkoako Joko Garbi Txapelketako finalak jokatu zituzten. Hiru partida ziren orotara, eta Txost Oiartzungo Pilota Kirol Klubaren izenean Txomin Nazabal Etxebeste eta Andoni Zabala Lekuona lehiatu ziren nagusien mailan.
Kluben Arteko Gipuzkoako Txapelketan lehiatu ziren Txostekoak Zubieta 1 taldeko Josu Aizpurua Arroyo eta Joseba Aizpurua Arroyoren aurka, eta 34-40 irabazi zuten oiartzuarrek.
Hona, beraz, asteburuko finalen emaitzak.
Infantilak (Errendimenduko Gipuzkoako Txapelketa)
Zubieta 3 (Peru Arrizabalaga Pikabea-Markel Linde Hernandez) 40
Zubieta 1 (Eñaut Agirreurreta Iparragirre-Aitor Ormazabal Garrido) 36
Jubenilak (Kluben Arteko Gipuzkoako Txapelketa)
Zubieta 1 (Manex Agirre Soto-Aitor Zabaleta Urdanpileta) 40
Zubieta 2 (Haritz Agirreurreta Iparragirre-Peru Garaiyurrebaso Urdanpileta) 38
Nagusiak (Kluben Arteko Gipuzkoako Txapelketa)
Zubieta 1 (Josu Aizpurua Arroyo-Joseba Aizpurua Arroyo) 34
Txost 1 (Txomin Nazabal Etxebeste-Andoni Zabala Lekuona) 40
