Oiartzungo Dantzari Eguna apirilaren 12an izango da
Herrialde Katalanetako zenbait dantza taldek hartuko dute parte Oiartzungo Dantzari Egunean. Gure Eskuk, udalak eta Olarrik antolatu dute.
Olarri Dantza Taldeko zenbait dantzari. @olarri_dt Oiartzungo Gure Eskuk, Oiartzungo Udalak eta Olarri Dantza Taldeak antolatuta, Oiartzungo Dantzari Eguna ospatuko dute apirilaren 12an.
Jai giroa izango da nagusi egun osoan zehar; gainera, antolatzaileek aurreratu dute Herrialde Katalanetako zenbait dantza talde etorriko direla ekitaldira, eta dantzaldiak egingo dituztela.
Goizeko hamaiketan elkartuko dira dantza taldeak, eta herriko kaleetatik barrena ibiliko dira bizilagunak alaitzeko asmoz. Gero, eguerdiko ordu batean, Done Eztebe plazan ekitaldi nagusia egingo dute, eta arratsaldeko sei eta erdietan, bazkalostean alegia, dantzaldia egongo da Tiriki Trauki Fanfarrearekin. Azkenik, egitaraua Gabezin taldeak emango duen kontzertuarekin amaituko da.
