Udal liburutegiaren eraldaketan aurrera egingo dute larunbatean
Hilaren 29an liburutegiko eraldaketa prozesuaren bigarren saio parte hartzailea egingo dute. 10:00etan izango da, liburutegiko ikasle gelan.
2024ko urrian eman zioten hasiera Oiartzungo Udal liburutegiaren eraldaketa prozesuari, eta lehen parte hartze saioa ere egin zuten. Orain, ordea, bigarren saio parte hartzailea egingo dute.
Hilaren 29an izango da hitzordua, 10:00etatik 13:00etara, liburutegiko ikasle gelan (beheko solairuan), eta liburutegiaren espazioak imajinatuko dituzte bertan.
Antolatzaileek jakinarazi dute ez dela beharrezkoa orain arte prozesuan parte hartu izana, hortaz, herritar oro deitu dute bilerara.
Zalantzetarako helbide hau helarazi dute.
