Antxo eta Oiartzun, areto futboleko Euskal Koparen bila

Asteburuan areto futboleko Euskal Kopako finalerdiak eta finala jokatuko dira Usansolon eta Galdakaon. Finalerdiak bihar izango dira, eta finala, igandean, 18:30ean.

Asteburuan areto futboleko Euskal Kopako finalerdiak eta finala jokatuko dira Usansolon eta Galdakaon (Bizkaia). Txapelketa horren azken fasean eskualdeko bi talde arituko dira Euskal Kopa helburu: Antxo eta Oiartzun.

Finalerdiak larunbatean (hilak 29) jokatuko dira Usansoloko Unkina kiroldegian. Lehen finalerdia Oiartzunek eta Bilboko Otxartabe taldeak jokatuko dute, 17:00etan. Bigarrenean, aldiz, Antxo arituko da, Gasteizko Beti Araba taldearen aurka, 19:30ean.

Finala igandean (hilak 30) jokatuko da Galdakaoko Urreta kiroldegian, 18:30ean, eta zuzenean ikusi ahal izango da Euskadiko Futbol Federazioaren Youtubeko kanalean. Ea eskualdeko bi taldeak final horretara iristen diren eta Euskal Kopa Oarsoaldera etortzen den.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.