Irakurketa festa herrikoia egingo dute bihar Kontzejupe plazan
Bakoitzak bere liburua eraman eta elkarrekin irakurtzeko tartea izango dute jardueran. Amaieran mokadutxoa egingo dute.
1545 argitaletxeak, Abaraxkak, Biok-ek eta Oreak antolatuta, irakurketa festa herrikoia egingo dute bihar –hilak 28– Kontzejupe plazan. Arratsaldeko seietan hasiko dira irakurtzen hala nahi dutenek, eta 18:45ean irakurritakoa partekatuko dute.
Jarduerari amaiera emateko, mokadutxoa egingo dute 19:00etan Biok eta Orearen eskutik.
Antolatzaileek jakinarazi dute bakoitzak bere liburua eraman behar badu ere, bertan adin guztietarako irakurgaiak egongo direla.
