STEFek plataforma berri bat inauguratu du Oiartzunen
Lanbarren industrialdean dago instalazio berria, eta 10.000 metro koadro baino gehiagoko lur saila eta hamabost karga-kai ditu.
STEF tenperatura kontrolatuko elikagaien garraioa eta logistika kudeatzen dituen enpresa bat da, eta atzo (asteazkena) plataforma berri bat inauguratu zuen Oiartzungo Lanbarren industrialdean. “Kokapen estrategikoa du mugaren ondoan, eta lehendik dagoen STEF Irun Internacional plataformari lotuta dago”, diote. Era berean, gehitu dute Oiartzungo plataformari esker STEF “Europako kontsumo gune nagusietara” irits daitekeela 24 eta 72 ordu artean. Plataformaren zabaltze ekitaldian Joana Mendiburu Oiatzungo alkatea, Stanislas Lemor STEFeko presidene eta zuzendari orokorra, eta Fabrice Carré STEF Iberiako zuzendaria izan ziren beste askoren artean.
Oiartzungo instalazio berriak 10.000 metro koadro baino gehiagoko lursaila eta hamabost karga-kai izateaz gain, garraio eta biltegiratze irtenbide “aurreratuak eskaintzeko diseinatuta dago”. Ildo beretik, inaugurazioan gehitu dute “STEFek Europar Batasunetik kanpoko herrialdeetara esportatzea errazten” diela bezeroei, “bereziki, Erresuma Batura”.
Azpiegitura horrek “esportazio stock aurreratuen soluzioak eskaintzea” ahalbidetzen duela ere nabarmendu dute, “nazioarteko merkatuetan produktuen banaketa erraztuz”. Retail sektorerako zerbitzu zehatz batzuk ere garatu dituzte, “banaketa kate handien eskakizun eta beharretara egokituz”.
Fabrice Carrék adierazi zuen plataforma berri horrek euren bezeroen beharrei erantzuteko “funtsezko helburua” betetzen duela.
