Hondakinen informazio puntu finkoak, apirilaren 11ra arte irekita
'Etorkizuna birziklatzen' kanpainaren bigarren fasean informazio puntu finko eta mugikorrak ezarri zituen udalak. Puntu finkoak Trintxerpeko Gudari plazan eta Antxoko Biteri plazan daude kokatuta.
Pasaiako Udalak abiatutako Etorkizuna birziklatzen kanpaina urratsak egiten ari da. Pasaia birziklapena ardatz duen egitasmoaren hirugarren fasean sartu da aste honetan, udalak sei hiri garbigune ezarri baititu udalerriko hainbat puntutan. Aurretik, bigarren fasean, ingurumen hezitzaileek bisitak egin zituzten Pasaiako etxeetara, eta udalak informazio puntu finko eta mugikorrak ezarri zituen. Puntu finkoak Trintxerpeko Gudari plazan eta Antxoko Biteri plazan daude kokatuta, eta horiek apirilaren 11ra arte egongo dira irekita.
Egutegia, ordutegiak eta kanpainaren xehetasun guztiak udalaren webgunean kontsulta daitezke.
