Sehaska kanten tailerra emango du Soinueneak apirilaren 5ean
Alaitz Guridi eta Edurne Saizarrek gidatuko dute saioa, eta sehaska kantak eta haur txikiei kantatu izan zaizkien kantak izango dituzte oinarri.
Bigarrenez, Sehaska kanten tailerra antolatu du Soinueneak haurrei urteetan zehar abestu zaizkien abestiak gogoratzeko asmoz.
Alaitz Guridi eta Edurne Saizarrek emango dute ikastaroa, eta sehaska kantak eta haurrei kantatu zaizkien kantak izango dituzte oinarri.
Antolatzaileek, beraz, etxeko haur, heldu, guraso eta aiton-amona oro deitu dute jardueran parte hartzera “gizakiak sortu zenetik berea izan duen ohitura zahar horren transmisioak etenik izan ez dezan”.
Apirilaren 5ean izango da saioa Oiartzungo Udaletxean, 17:00etan, eta sarrera doakoa da. Udazkenean beste tailer bat egingo dutela aurreratu dute antolatzaileek.
