Hegazti migratzaileen bitxikeriak ezagutzeko saioa, Arditurrin
Hilaren 13an izango da saioa, eta Olatz Aizpurua Aranzadi Zientzia Elkarteko Ornitologia sailean aditua denak emango du hitzaldia.
Maiz ikusten dira txori bandak batetik bestera hegan; irudi polita izaten da hori, baina, jakina al da zein bide egiten duten? Zein arrazoirengatik migratzen duten? Bada, galdera horiei eta beste zenbaiti erantzun asmoz Euskadiko hegazti migratzaileen bitxikeriak hitzaldia antolatu du Arditurri parketxeak.
Eraztunketa zientifikoa hegazti migratzaileak ikertzeko diseinatu zen, eta 1949. urtean sortu zuten Aranzadi Zientzia Elkartearen Eraztunketa Bulegoa. Teknika horrek 1910. urtetik emandako datuei esker, Araznadiko ikerlariek Euskal Herriko hegazti migratzaileen inguruko informazio aztertu dute.
Ildo horretatik, beraz, Arditurri parketxean izango den saioa Olatz Aizpurua Aranzadi Zientzia Elkarteko Ornitologia sailean aditua denak emango du. Hilaren 13an izango da, 11:00etan, gazteleraz, eta izena ematea beharrezkoa da. Horretarako 943 49 42 48 edo 688 89 50 68 zenbakietara deitu edo mezu bat idatzi behar da.
