Kartelak jartzeko panelak ezarri ditu Udalak
Bzilagunen eskaerei erantzunez, lau panel berri daude dagoeneko Antxon. Donibane, San Pedro eta Trintxerpen ere panelen kokalekuak aztertuko dituzte, gehiago jartzeko beharra dagoen erabakitzeko
Antxotarrek kartelentzako panelak ezartzeko eskatu, eta hala egin du Pasaiako Udalak. Bizilagunek “kartel kopuru handia pilatzen ari zela kale eta fatxadetan, eta askotan kendu gabe geratzen zirela” ikusirik, lau panel berri jarri ditu Udalak, “herriaren garbitasuna eta irudia zaindu ahal izateko”.
Zumalakarregi kalean, topo geltokiaren kanpoaldean, Oarso kalean eta Nafarroa etorbideko autobus geltoki ondoan ezarri dituzte panelak. Izan ere, “herritarren joan-etorri handia” duten guneak dira, eta garraio publikoko geltokiengandik gertu egoteak kartelek ikusgarritasun handiagoa izatea bermatzen du.
Panel berriak Antxon jarri baldin badituzte ere, iniziatiba harago doa. Donibane, San Pedro eta Trintxerpen badaude panelak dagoeneko, baina, Udalak horien kokalekua aproposa den aztertuko du; eta, hala behar balitz, panel berriak jarriko lituzkete.
Antxoko alkateorde Mikel Garia Peñilek “kartelak oraindik asko baliatzen direla edozein ekimenen berri emateko” azaldu du, eta “horregatik, komunikazioa eta elkarbizitza uztartzen saiatu” dira. Udalak herritarrengandik gertu mantentzeko konpromisoa berrestu du, horretarako hainbat bide garatuz: sare sozialak, udalaren webgunea, buletina eta Telegrameko kanal irekia. Horrez gain, bi barrutitan pantaila digital informatiboak jarri dituzte, eta gainontzeko barrutietan ere ezarriko dituzte hurrengo hilabeteetan.
