'Oarso 2025' aldizkarirako artikuluak aurkezteko epea zehaztu dute
Maiatzaren 4a baino lehen aurkeztu behar dira 'Oarso 2025' aldizkarirako egindako lanak. Uztail erdi aldera argitaratu dela jakinarazi dute.
Oarso 2025 aldizkarirako artikuluak aurkezteko epea maiatzaren 4an itxiko da; hortaz, egun hori baino lehen bidali beharko dituzte herritarrek euren lanak.
Urtero, uztailaren erdi aldean, argitaratzen den aldizkaria da, eta “errenteriar bizitza kultural aberatsa islatzen du, herritarren lankidetza baliotsuak bere orrien artean hartuz”.
Idazlanak edota lan grafikoak bidal daitezke, baina arau batzuk bete behar dituzte lan horiek. Hala ere, zalantzak argitzeko helbide elektronikoa eta 943 44 96 10 zenbakia helarazi dute.
Lanak jaso direla ziurtatuko zaio bidaltzaileari aurkezteko erabilitako modua baliatuta. Alabaina, lana jaso izanaren egiaztapena jasotzeak ez du esan nahi artikulua argitaratuko denik; lanak onartzeko eskumena Idazketa Batzordearena da.
Halaber, antolatzaileek jakinarazi dute egileak lana bidaltzeak eta Erredakzio Batzordeak berekin ekarriko duela artikulua eta haren ilustrazioak Creative Commons BY-NC-SA formatu irekian argitaratzeko baimena.
Xehetasun gehiagorako, egin klik hemen.
- Ezin dira aurretik argitaratutako lanak aurkeztu.
- Lanak euskaraz, gazteleraz edo bietan idatz daitezke; ez da testu beraren bertsio elebidunik argitaratuko.
- Libre Office, Open Office edo Microsoft Office programetako testu formatuak edo bateragarriak diren formatuan (doc.; docx; odt.) aurkeztu behar dira. Times New Roman 12 letran, 1,5eko lerroartearekin, orga itzultze bakarra dela paragrafo artean eta 2,5 cm-ko marjina duela ezker, eskuin, goi eta behe aldeetan.
- Gehienezko luzera 3.0000 hitz edo 7 orrialde DIN A4 tamainako paperean. Ahal dela, gutxienez irudi batekin ilustratu behar da.
- Grafiko, irudi eta taula testuak kokatu behar dira; baita aurkezten den euskarrian aparteko artxibo batean TIF edo JPG formatuetan gutxienez 300ppp-ko bereizmenarekin. Egilearekin datuak eta obra argitaratzeko baimena aurkeztu behar dira.
- Lanak Errenteriako Udal artxibora edo posta elektroniko helbidera aurkeztu behar dira. ZU! Arreta Zerbitzuan ere aurkez daiteke.
