Zinema saio bikoitza, gaur
'Flow' zinema mutua den filma eta 'El 47' izango dira gaur Landetxen ikusgai egongo diren filmak. 17:00 eta 19:30ean dira saioak.
Gaurko egunerako zinema saio bikoitza antolatu du Oiartzungo Udalak, Flow eta El 47 filmak izango baitituzte ikusgai herritarrek. Lehena 17:00etan izango da, eta bigarrena, aldiz, 19:30ean.
Flow zinema mutua da, eta animaziozko filma da. Katu bat da protagonista, eta urez estalitako mundu batean esnatuko da; gizakirik ez dagoela konturatuko da. Itsasontzi batera joko du gero, eta han beste animalia batzuekin babesa bilatzen saiatuko da; alabaina, eurekin ondo moldatzea urarekiko beldurra gainditzea baino zailagoa egingo zaio. Denek ikasi beharko dute mundu berrira egokitzen.
Sarrerak hemen eros daitezke.
El 47 filma, berriz, 70. hamarkadan girotutako ikus-entzunezkoa da, eta inmigrazioa da lanaren ardatza. Filmak ‘El 47’ disidentzia baketsuko ekintza baten eta 1978an Bartzelona eraldatu eta aldirietako irudia betiko aldatu zuen oinarrizko auzo mugimenduaren historia kontatzen du.
Manolo Vital autobus gidari bat zen, eta 47 lineako autobusaren jabe egin zen udalak behin eta berriz errepikatzen zuen gezur bat desmuntatzeko: autobusek ezin dituzte Torre Baro barrutiko aldapak igo. Errebeldia ekintza horrek erakutsi zuen aldaketarako katalizatzailea zela, pertsonak beren sustraiez harrotzen zirela, auzoaren borroka batez, 70eko hamarkadako Bartzelona modernoa sortzen lagundu zuen langile klaseaz.
Sarrerak hemen eros daitezke.
Jarraian, bi filmen trailerrak.
