'Euskararen paparazziak' argazki lehiaketa, zazpigarrenez
Pertsona bakoitzak gehienez bost argazki bidali beharko ditu maiatzaren 10etik 28ra, eta irabazleek 150 euroko diru sarria eskuratuko dute.
Oarsoaldeko Euskara Batzordeak Euskararen Paparazziak argazki lehiaketa antolatu du zazpigarrenez, eta aurreko edizioetan bezalaxe, argazkiek merkataritzarekin eta ostalaritzarekin izan behar dute harremana. Alabaina, aurtengo jarduera Euskaraldiko ekintza izango da.
Prezio berean, euskaraz! egitasmoaren barruan antolatutako argazki lehiaketa da, eta Errenteria, Lezo, Oiartzun eta Pasaiako merkataritza eta ostalaritza establezimenduetan euskararen erabilera handitzeko, hizkuntza paisaiak duen garrantzia azpimarratzea du helburu jarduera horrek.
Lehiaketa horretan parte hartu nahi dutenek saltokietan ikusgai dauden eta euskaraz diren errotuluei, kartelei zein bestelako idatziei atera beharko dizkie argazkiak, eta posta edota WhatsApp bidez bidali beharko dituzte 747 44 94 16 zenbakira.
Xehetasunak
Lehiaketak irabazle bat izango du, eta Euskaraldia; euskara –euskarazko errotulu eta idatziak– eta merkataritza/ostalaritza terminoak hobekien uztartzen dituen argazkia izango da herri bakoitzeko garailea. Era berean, originaltasuna eta argazkien kalitatea ere baloratuko direla gehitu dute antolatzaileek.
Parte hartzeko ez dago adin mugarik, baina gehienez ere bost argazki bidali daitezke. Bestalde, aukeratutako irudiak maiatzaren 10etik 28ra bidali beharko dira, eta irabazleek ekainaren 9tik 30era bitartean Oarsoaldeko saltokietan gastatzeko 150 euroko diru-saria lortuko dute. Ekainaren 4an jakinaraziko dituzte irabazleen izen abizenak.
Informazio gehiagorako, bisitatu webgune hau.
