euskaraldia
Asteartean hasiko dira Pasaian Euskaraldiko txapen banaketarekin
Lau barrutietako Euskaraldiaren batzordeek jakinarazi dute noiz eta non jaso daitezkeen 'belarriprest' edo 'ahobizi' ikurrak.
Pasaiako Euskaraldiaren aurkezpena, martxoaren 14an San Pedron. Hurbil da laugarren Euskaraldia. Maiatzaren 15etik 25era artean euskararen erabilerari ufada kolektiboa emateko aroa gogoz ari dira prestatzen Pasaian, lau barrutietan ekinaldia prestatzeko zeregin zintzoan ari dira tokian tokiko herri batzordeak. Lan horren barruan, izena eman dutenen artean ahobizi eta belarriprest txapen banaketa dago. Jada zehaztuak daude ikurrak jasotzeko tokiak eta egunak. Beheko zerrendakoak dira:
Donibanen
- Maiatzaren 7an (asteazkena), 17:00-20:00 tartean eliz atarian.
- Maiatzaren 9an (ostirala), 18:30-20:30 tartean Meipin.
San Pedron
- Maiatzaren 9an (ostirala), 17:00-20:00 tartean frontoian.
- Maiatzaren 11n (igandea), 18:00-20:00 tartean frontoian.
Trintxerpen
- Maiatzaren 8an (osteguna), 17:00-21:00 tartean Gernika plazan.
- Maiatzaren 10ean (larunbata), 12:00-14:00 tartean Serafin Esnaola plazan.
Antxon
- Maiatzaren 6an (asteartea), 17:00-20:00 tartean Gure Zumardian.
- Maiatzaren 11n (igandea) 11:30-14:30 tartean Gure Zumardian.
Erlazionatutako edukiaPasaia, Euskaraldirako prest
