Eraldaketa hizpide, Torrekuan
'Eraldaketa teoriak zorrozten: Pentsamenduaren bidez praktikak berritzen' jardunaldia egingo dute uztailaren 11n, ostirala, Torrekuan. Izena eman daiteke uztailaren 10a arte.
Torrekuan izango da jardunaldiaren goizeko atala, eta Badalaben, arratsaldekoa. Eraldaketa teoriak zorrozten: Pentsamenduaren bidez praktikak berritzen jardunaldia egingo dute uztailaren 11n, ostirala, Torrekuan. TEKS sarea, Badalab Hizkuntza Berrikuntza Laborategi, eta UEUren Humanitate Digitalen Ikerketa Guneak antolatu dute jardunaldia.
Saioa, teoria akademiatik atera eta pentsamendu garaikidetik praktika berriak irudikatzeko espazioa izango dela azaldu dute antolatzaileek: “hasiera batean herritarrentzat arrotzak eta zailak izan daitezkeen kontzeptu eta proposamen garaikideak modu ulerterrazean ekarri eta tresna kontzeptual berriak baliatuz, elkarrizketaren bidez eraldaketa proposamen eta tresna kolektibo eta konkretuak landuko ditugu”.
Egun osoko saioa izango da, Torrekuan, teknologia libre eta ekonomia sozial eraldatzailea lantzen duen espazioan izango da goizeko saioa, eta Badalaben egoitzan arratsaldean. Goizekoa aurkezpen teorikoei begirakoa izango da, eta arratsaldekoa, parte hartzaileen dinamika errelato berrien sorkuntzari bideratuta izango da, aditu batek gidatuta. Uztailaren 11n izango da jardunaldia, egun osoz, 10:00etatik 18:45era eta euskaraz.
Parte hartzeko matrikula bete behar da, klik hemen. Izena emateko epea zabalik izango da uztailaren 10a arte.
