Galtzarabordako trenbideko tunela bidegorria izatea proposatu du PSE-EEk
Erabilerarik gabe geldituko da tunel hori trenbidea estali ondoren, eta Galtzaraborda Pasai Antxorekin lotuko duen bidegorria egitea proposatu du.
Palencia eta De la Torre.PSE-EE. Galtzarabordako trenbidea estaltzerakoan erabilerarik gabe geldituko den tunela Galtzaraborda eta Pasai Antxo lotuko dituen bidegorria egiteko proposatu dio PSE-EEk Susana Garcia Mugikortasun Iraunkor sailburuari. Hala jakinarazi du komunikabideetara helarazitako prentsa ohar baten bidez alderdi sozialistak. Gaineratu du “oso positiboa” izan dela Eusko Jaurlaritzaren erantzuna, “pozik gaude horregatik, gainera, kontuan hartu behar da auzoko bizilagunen eskaera dela”.
Alderdi sozialistak aipatu duen bizilagunen eskaera, hortik harago doa, izan ere proiektu oso bat ondu zuten Galtzarabordako auzotarrek eremu horretarako trenbidearen aldaketak auzoari berari zein Alabergari sortuko zion arrakala ezabatu eta eremu duinago bat lortzeko. Bizilagunek, iazko urriaren 30ean aurkeztu zuten proiektu hori pleno aretoan egindako bileran. Auzo elkarteko ordezkariak, udal gobernu taldeak Aizpea Otaegi alkatea buru zuela, Eusko Trenbide Sareko zuzendari eta Herrerako Euskotreneko geltokia berritu zeneko obra zuzendari izan zen Antonio Lopezek eta Eusko Jaurlaritzako zerbitzu zuzendari Paloma Osatorrek hartu zuten parte, besteak beste.
Bizilagunen proiektua, hemen klik eginda kontsulta daiteke (gaztelaniaz dago).
