Kontsumo, Energia eta Birgaitze bulegoak lekualdatu dituzte
Birgaitze eta Energia bulegoak ibiltariak bihurtuko dira, eta udalerri bakoitzean emango dute zerbitzua, astero. Kontsumo bulegoa lekuz aldatu dute.
Oarsoaldeko Kontsumo, Energia eta Birgaitze bulegoak lekualdatu egin dituzte berriki, eta, udalerrietan eskainiko dituzte beraien zerbitzuak hemendik haurrera “herritarrentzat eskuragarriago egon daitezen”.
Birgaitze eta Energia bulegoak ibiltariak bihurtu dira, eta lau herrietan emango dute zerbitzua, astero.
Birgaitze zerbitzuk etxebizitzak birgaitzeko diru laguntzei buruzko doako informazio eta aholkularitza integrala eskaintzen ditu laguntzak eskatzen zein kudeatzen lagunduz, Eusko Jaurlaritzaren eta bizilagunen arteko bitartekotza eginez, edo, baita obrak egin bitartean egon daitezkeen beharrak bideratuz ere. Aipatutakoaz gain, etxebizitzen eraginkortasun energetikoa hobetzeko Next Generation EU programetako laguntzak zabaltzen ditu.
Bulego horrekin harremanetan jartzeko 943 34 41 60 zenbakira deitu edo mezu bat bidali behar da.
Energia bulegoari dagokionean, Pasaian eta Oiartzunen ibiltaria dagoeneko, eta orain Lezon ere eskainiko du zerbitzua. Bulego horrek fakturazio elektrikoari, tarifen optimizazio eta etxebizitzetako energia gastuaren murrizketari buruzko doako informazio eta aholkularitza pertsonalizatua eskaintzen du, “kontsumo ohitura eraginkor eta iraunkorrak” sustatuz.
Era berean, gizarte bonua eta pobrezia energetikoari aurre egiteko beste laguntza batzuk kudeatzen laguntzen du. Horretaz gain, energia berriztagarriak instalatzea bultzatzen du aholkularitza tekniko eta finantzarioen bidez. Ingurumen sentsibilizazioko jarduerak ere sustatzen ditu, eta eskualde eta lurralde mailan energia ekintzak zabaltzen ditu.
Bulego horrekin harremanetan jartzeko 943 34 41 60 zenbakira deitu edo mezu bat bidali behar da.
Azkenik, jakinarazi dute Kontsumo Bulegoa Olibet 6 kaletik Madalen 3 kalera lekualdatu dutela. Kontsumitzaileek bertan euren eskubideen inguruko aholkularitza jasotzeaz gain, erreklamazioak jartzeko laguntza ere jasoko dute. Bulego horrekin harremanetan jartzeko 943 51 01 11 zenbakira deitu edo mezu bat bidali behar da. Arreta ordutegia 09:00etatik 14:00etara da.
Jarraian, bulego bakoitzak herri bakoitzean izango duen eskaintza.
