Ander Garaiarrek Euskadiko eta Espainiako errekorrak ezarri ditu
200 metroko abiadura frogan egin ditu errekorrak, 20,74 segundoko denborarekin. Europako sailkapeneko lehen postuan kokatu da.
Ander GaraiarAlberto Benito Haurtzaro Atletismo Taldeko Ander Garaiarrek Euskadiko Errekor Absolutua eta Espainiako 20 urtez azpikoen kategorian errekorrak ezarri ditu; 200 metroko abiadura frogan egin ditu marka horiek, 20,74 segundoko denborarekin. Gauzak horrela, Garaiar Europako sailkapeneko buru da.
Ez da, ordea, Garaiarren garaipen bakarra, azken boladan emaitza itzelak ari baita lortzen gaztea. Zehatzagoak izate aldera, duela urtebete eskuratu zuen 100 metroko modalitatean Espainiako 18 urtez azpikoetan hirugarren postua. Gero, hilaren hasieran 100 metroko modalitatean Gipuzkoako errekorra lortu zuen 20 urtez azpikoetan, 10,63 segundoko markarekin, eta, berriki, Espainiako 20 urtez azpikoen errekorra hautsi du 200 metroko modalitatean. Horrek ahalbidetu dio Europako sailkapenean lehenengo postuan egotea, bai eta Euskadiko marka onena lortzea ere.
