Pasaiako traineruen lan txukuna Gipuzkoako Txapelketan
Gizonetan San Juan eta beteranoetan Trintxerpe-Illunbe hirugarren izan ziren. San Pedro bosgarren gizonetan, eta Batelerak, zortzigarren.
San Juango gizonen trainerukoak, brontzezko domina soinean. Emaitza politak atzo pasaitarrentzat sasoiko lehen txapelketan, Orion izan zen Gipuzkoako Traineru Txapelketan. Hasi da, oraindik uda iritsi ez bada ere, traineruen saltsa. Bi brontze iritsi dira herrira.
Gizonen seniorretan onenen San Juango trainerua ibili zen, hirugarren izan zelako brontzezko domina eskuratuz Orioren eta Donostiarraren atzetik. Erreka-koak txapeldunetik ia lau segundora sailkatu ziren, beraz, esan daiteke oso forma onean daudela Joseba Fernandezek entrenatutakoak. Itxaropena piztu dute.
San Pedrok bosgarren postu bikaina eskuratu zuen, eta adibidez, Eusko Label Ligako Getaria atzean utzi. Aldaketa sasoia dute Libia-koek, baina atzo ikusitakoaren arabera, egoki ari dira.
Emakumeetan San Juan zortzigarren izan zen; txapeldun izan zen Arraun Lagunak. Postuaren zenbakiak aurrenekoetatik urrunekoa badirudi ere, denborei erreparatuz gero beste ra batera uler daiteke txapelketa: Arraun Lagunak eta San Juan artean 15 segundo izan ziren besterik ez, beraz, pentsa zer nolako estuasunekin osatu zen sailkapen nagusia. EuskoTreneko Donostiarra, adibidez, Batelerak ontziaren atzetik izan zen.
Beteranoetan Trintxerpe-Illunbeko traineruak ez zuen hutsik egin. Sasoian zehar ia beti aurrean izan dituen Fortuna (txapelduna) eta Badok 13 aurretik izan zituen, baina gai izan ziren Azkuene trainerukoak hirugarren izan eta brontzea bere egiteko.
Esteka honetan klikatuz gero, atzoko emaitzen zerrenda osoa ikusteko aukera.
