Gidabaimena euskaraz ateratzen dutenen artean 300 euroko hiru sari zozkatuko dituzte
Azterketa teorikoa 2025eko urtarrilaren 1etik abenduaren 31 bitartean gainditzen dutenek izango dute zozketan parte hartzeko aukera.
Aitziber Etxebeste, Oiartzun Autoeskolako arduraduna eta Aiako Harria Gaztelumendi, Oiartzungo alkateordea. Udaren hasierarekin batea, ohikoa izaten da gidabaimena ateratzen hastea, eta, euskararen erabilera bultzatze aldera, azterketa teorikoa euskaraz gainditzen dutenen artean 300 euroko hiru sari zozkatuko ditu Oiartzungo Udalak 2026 hasieran.
Zehazki, idatzizko azterketa 2025eko urtarrilaren 1etik abenduaren 31 artean gainditzen dutenek izango dute zozketan parte hartzeko aukera; baina, baldintza hauek bete behar dira nahitaez:
- Azterketa teorikoa euskaraz prestatu, egin eta gainditzea.
- Oiartzunen erroldatua egotea.
- Matrikula ordainduta izatea.
- Azterketa teorikoa urtarrilaren 1a eta abenduaren 31 bitartean gainditzea.
- Zozketan parte hartzeko galdetegia 2026ko urtarrilaren 31 baino lehen betetzea.
Oiartzun Autoeskolak 2009tik eskaintzen du gidabaimena euskaraz prestatzeko aukera, eta autoeskolara bertara joanda edota hemen klik eginda lor dezake informazio gehiago hala nahi duenak.
