Alfonso Zarranzen oroimenezko Argazki Rallya, igandean
Trintxer elkarteak eta udalak argazki lehiaketaren III. ekitaldia egingo dute hilaren 8an Trintxerpen, 09:00etatik 14:00etara.
Trintxer Kultur Elkarteak eta Pasaiako Udalak Alfonso Zarranzen oroimenezko III. Argazki Rallya antolatu dute. Igande honetan (hilak 8) izango da, 09:00etatik 14:00etara. Argazki lehiaketa bat da, eta argazki kamera digitala duen edonork parte har dezake. Lehiaketaren oinarriak Trintxerren webgunean kontsulta daitezke. Rallyaren egunean bertan ere zalantza guztiak argituko dituztela baietsi dute antolatzaileek. Hauexek dira banatuko diren sariak:
- 1. Saria, bilduma onena: trofeoa eta 200 euro.
- 2. Saria, bilduma onena: trofeoa eta 150 euro.
- 3. Saria, bilduma onena: trofeoa eta 100 euro.
- Gai bakoitzaren argazki onena: trofeoa.
- Alfonso Zarranz memoriala sari berezia: trofeoa.
