Antzerki feminista laborategia antolatu du Emakumeen Etxeko batzarrak
Aitziber Eguskizak gidatuko du eta gorputzarekin konektatu eta ahalduntze lana egin nahi duten emakumeei begirakoa da.
Emakumeen Etxean aurretik egindako beste mahai inguru bat. Gorputzarekin konektatu eta ahalduntzea landu nahi duten emakumeek hitzordua dute datorren asteartean, hilak 10, Emakumeen Etxean. Izan ere, antzerki feminista laborategia antolatu du Emakumeen Etxeko batzarrak.
Aitziber Eguskizak gidatuko du, eta elebitan izango da. Iraupena, bi ordukoa, 18:00etan hasi eta 20:00etan bukatu. Ez da aurretik izena eman behar, eta 20 lekuak bete arte sarrera librea izango da.
Emakumeen Etxeak astelehen eta ostiraletan 09:00etatik 13:00etara ditu ateak zabalik, eta asteartetik ostegunera, berriz, 16:00etatik 20:00etara. Harremanetarako, berriz, 943 44 96 30 telefono zenbakira dei daiteke, edota posta elektronikora mezua bidali (Egin klik hemen).
