Elkartasuna barra-barra
Ibilgailuak izaten ari dira protagonistak, baina batez ere elkartasuna. Arratsaldean musikak hartuko du lekukoa.
Elkartasunaren motorrak jaialdia, arrakastatsua. Ibilgailuak izan dira protagonistak goiz goizetik Elkartasun Motorraren festan. Klasikoak, bereziak, punta-puntakoak… denetariko ibilgailuek hartu dituzte gaur erdialdeko kaleak. Foro plazaren bueltan autoak bildu dira, eta Xabier Olaskoaga plazan berriz, motorrak. 200dik gora egin dute bat elkartasuna bi urtetik behin erdi-erdian jartzen duen Elkartasunaren Motorrak jaialdiarekin.
Eureka Danceko Oliver Nestarrek dantzan jarri ditu bazterrak antolatu duen Zumba masterclassarekin; ederki jarraitu diote erritmoa gerturatu direnek.
Aurten iaz bezala, bildutako guztia Aesmowi Mowat Wilson sindromea duten gaixo eta senideen elkarteari eta Juneren Hegoak elkarteari emango diote dohaintzan. Foru plazan bertan, gaurko jai handiaren epizentroan, jarri dituzte postuak bi elkarte horiek egiten duten lana ikusarazi eta Aesmowi elkarteko presidente Tere Rojoak azaldu duen bezala Mowat Wilson sindromea bera eta dituen ondorioak gizarteratzeko.
Pozik bi elkarteetako kideak, egun handia delako eurentzat bi urtetik behin antolatzen duten jaialdia.
Arratsalde partean musika izango da protagonista, baina batez ere, egun osoan bezala, elkartasuna. Ndays taldeak emango du kontzertua 17:00etan, zozketa egingo dute 18:00etan, eta Ezinezkoa taldeak jarriko dio ginga egunari 19:00etan hasiko duen emanaldiarekin.
