"Gazako genozidioa agerian jarri dugu, garrantzia bizia du horrek"
Rafahrako Martxaren antolakuntza zer erabaki zain dira ekintzaileak, Egipton ekiteko aukerak behin agortuta.
Maite Gartzia eta Alberto Villarreal sare sozialen bidez zabaldu duten bideoan. Rafahrko Martxan parte hartzeko bertaratutako milaka ekintzaileak antolakuntzak zer erabaki zain dira, Egipton ekiteko aukerak agortutzat emanda. Bideoa zabaldu dute sare sozialen bidez Maite Gartzia Podemos Euskadiko Koordinatzaile orokorraren ondokoak eta Alberto Villarreal Podemoseko Osasun idazkariak. Argi esan dute biek Egipton aurreikusten zituzten ekintzak bertan behera utzi izana ez dela porrota. Izan ere, sinistuta daude oso garrantzitsua den lana egin dutela bertaratutako milaka ekintzaileek, “Gazako genozidioa agerian jartzea”.
Espainiako enbaxadorearekin biltzea lortu dutela azaldu du Gartziak, eta bi ordu luzeko bilerak emandakoarekin, haserre, suminduta azaldu da errenteriarra, “ez etortzea genuela erantzun zigun babesa eta elkartasuna eskatzera jota. Hemen gaude, bada, eta gure helburuak mantentzen ditugu”.
Atxilotutako ekintzaile guztiak askatzea ere exijitu dute Gartziak eta Villarrealek zabaldutako bideoan, “ilegalki atxilotu dituzte”.
Egiptotik ekiteko ezintasunaren aurrean bi aukera aztertzen ari dela martxaren antolakuntza jakinarazi dute bestalde, Tunisian Sumud konboiarekin bat egitea aste honetan; edota mobilizazio koordinatuak egitea Egiptotik bueltan ekintzaileen hirietan modu koordinatuan.
Berriro esan du Gartziak, ez dela porrota Egipton ekitea bertan behera uzteko erabakia, “Gazako genozidioa lehen lerroan jarri dugu, eta Palestinako herriari harekin gaudela erakutsi diogu”. Ondotik helduko diren ekintzak ere helburu bera izango dutela gaineratu du errenteriarrak: “Genozidioa eta blokeoa bukatzeko borrokatzea. Elkartasuna eta ekintzailetza sare erraldoia sortu dugu, sare sendoa, datorrenari aurre egiteko”.
https://x.com/PodemosEuskadi_/status/1934625904224846058
