Gran Soleko zoladura konponduko dute bihar
Jarduketak goizeko lehen orduan hasiko dituzte, eta trafikoa 10:00etatik 13:30era bitartean moztuta egongo da.
Bihar (asteazkena, hilak 18), Trintxerpeko Gran Sol kaleko zoladura konpontzeko lanak egingo ditu Pasaiako Udalak. Jarduketak Gran Soleko 6. zenbakiaren parean egingo dira, eta eremu hori moztu egingo dute. Udaltzaingoak bideratuko du trafikoa, bizilagunak Terranova kalera desbideratu eta Arrandegi kalera sartu ahal izateko. Obrak goizeko lehen orduan hasiko dituzte, baina trafikoa 10:00etatik 13:30era bitartean moztuko dute. Jarduketak bukatutakoan, pasabidea berriro irekiko dute.
Goizean goizetik eta lanak bukatu arte, E8 autobusa ez da Trintxerpeko goialderaino igoko, eta Euskadi Etorbidean egingo du geldialdia. Autobusen pasaera lehenago etengo da, haien tamainagatik. Argibideentzako, udalak ohiko komunikazio kanalak ahalbidetu ditu.
