Pertsona eta lankidetza erdigunean jarri ditu Oarso Sarea proiektu pilotuak
Zaurgarrienen gizarteratzea eta laneratzea sustatzera dator Oarso Sarea proiektu pilotua.
Gaur aurkeztu du Oarso Sarea.Oarsoaldea Garapen Agentzia Zaurgarrienen gizarteratzea eta laneratzea sustatzera dator Oarso Sarea proiektu pilotua. Gaur eman dute haren berri Oarsolan Enplegurako eta Gizarteratzeko Berrikuntza Zentroan esperientzia berritzailea martxan jartzea ahalbidetu duten Lanbide, Gizarte Zerbitzuak, Oarsoaldea eta Eusko Jaurlaritzako ordezkari politiko eta teknikoek. Gaurko aurkezpen saioa ikaskuntzak partekatu, emaitzak baloratu, eta gizarte ongizateko funtsezko sistemen artean koordinatutako lan sarea finkatzen jarraitzeko balioko du.
Programa pilotuak Oarsoaldean ahultasun egoeran dauden pertsonen gizarteratzea eta laneratzea bideratzeko lagungarri izan nahi du.
Eskualdeko etorkizunerako proiektuak duen garrantzia jarri du nabarmen Aizpea Otaegi Oarsoaldea Garapen Agentziako lehendakariak, “sistema ezberdinen arteko lankidetza koordinatuaren bidez erantzun integralak eta eraginkorragoak eraiki ditzakegula frogatu da, ahultasun egoeran dauden pertsonei lagundu ahal izateko”.
Halako iniziatibak bultzatzen jarraitzearen beharra jarri du nabarmen, halaber, Otaegik, “arreta azkarragoa, pertsonalizatuagoa, eta eraginkorragoa eskaintzeko”.
Oarsoaldea Garapen Agentziako zuzendari Patxi Arrazolak hartu du hitza ondoren. Sareko lanak emaitzak ugaritzeaz gain, ikuspegi gizatiarrago eta hurbilagotik heltzeko aukera ematen duela adierazi du.
Proiektuak ahalbide tu du Lanbide, Gizarte Zerbitzuek eta Oarsoaldeko teknikariek osatutako eskualdeko mahai teknikoa sortzea. Eredua berriz, egoera zaurgarrian diren 24 pertsonekin proban jarri da, eta emaitza pozgarriak izan dituela azaldu dute gaurko ekitaldian: “Enplegurako sarbidea, prestakuntza prozesuaren hasiera eta laguntza eraginkorragoa eta arinagoa”.
Diseinatutako eredua bi ardatzetan oinarritu dute: egu7neroko lanean gizarte zerbitzuetako eta enplegu profesionalen kontraste prozedura; eta laguntza koordenatua egitura kalteberatasuna duten pertsonentzat.
Oarso Sareak pertsonak eta lankidetza jarri dituela erdigunean azaldu dute bukatzeko.
