Eneko Salaberriak irabazi du Xanistebanetako kartel lehiaketa
Kartel lehiaketako sarituen berri emateaz gain, jakinarazi dute Xabier Izagirrek eta Birgilio Labanbidarrek botako dutela txupinazoa.
Xanistebanetako kartel lehiaketara aurkeztu diren 44 lanen artean, Eneko Salaberriarena izan da garailea; hortaz, hura izango da aurtengo jaiak iragarriko dituena.
Jai Batzordeak zehaztu duenez “maila oso altukoak” izan dira aurkeztu diren lan guztiak, eta “lan gogorra” izan dute onena aukeratzen. Azken bost edizioetan oiartzuar onenaren saria lortu du Salaberriak, eta aurtengoan bera izan da garaile.
Hona hemen aurtengo sarituak:
- Irabazlea (600 euro): Eneko Salaberria Gonzalez.
- Lehen oiartzuarraren saria (300 euro): Jon San Jose Peñil.
- Akzesitak (50 euro): June San Sebastian Sein eta Ane Sarasti Iraeta.
- Ehuntze Sormen Espazioaren saria: Manex Arabolaza Palomo eta Endika Odriozola Urquia.
Abuztuaren 1eko Kultur Ekitaldian banatuko dituzte sariak, eta Xanistebanetan lan guztiekin erakusketa bat osatuko dute.
Aurtengo Xanistebanei hasiera emateko suziria Birgilio Labandibar eta Xabier Izagirrek piztuko dute. Urte luzez Xanistebanetako zenbait ekintzen antolaketan eta herrigintzan egindako lana goraipatu eta eskertu nahi izan du Jai Batzordeak.
