Zortzi urteko lehortea, bukatu da

Zumardian egin diete harrera Hibaikako Senior Gizonei; gogotik astindu dute Astilleron gaur eguerdian irabazitako bandera.

Ikerne Zarate Gartziarena

Errenteria-Orereta

2025/06/21

Iragarri bezala, 18:30ean heldu dira Hibaikako arraunlariak bi furgoneta eta auto batean Zumardira, Astilleron (Kantabria, Espainia) jokatutako estropadan irabazitako banderarekin. Bertan zituzten zain zaleak, eta txalo artean eta Hibaikaren aldeko oihuekin hartu dituzte.

Ke gorri-beltza ere ez da falta izan, Hibaikaren koloreekin bat eginez.

Zumardiko kioskora igota, gogotik astindu dute bandera Dani Cobjuck entrenatzailea hasi eta ondoren hainbat arraunlarik. Pozik guztiak lortutako garaipenarekin; ez da gutxiagorako, estropada biribila egin baitute errenteriarrek. Gainera, gaurko garaipenak eta banderak, zortzi urteko lehortearekin bukatu du, 2017an irabazi baitzuen azken bandera Errenteria-Oreretako arraun klubeko gizon seniorren taldeak.

Gaurko ospakizun neurtuaren ostean, bihar entrenatzen izango dira berriro.

Ea gaurkoa, beste bandera eta garaipen askoren lehena den.

Errenteria-Orereta. Hibaikari harrera bandera irabazita (2025-06-21)

Erlazionatutako edukiaLigako lehen bandera Hibaikako Senior Gizonentzat

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.