San Joan bezperan hartu beharreko segurtasun neurriak gogorarazi dituzte
Herriko zenbait txokotan sua piztuko dute gaur gauean; ohitura da haren inguruan elkartzea, baina Xabi Garagarza udaltzainburuak zenbait gomendio eta segurtasun neurri zerrendatu ditu Oiartzun Irratian.
Xabi Garagarza udaltzainburua Oiartzun Irratiko estudioanOiartzun Irratia San Juan bezpera honetan, suaz arriskurik gabe gozatzeko aukera izan dezaten herritarrek, Xabi Garagarza Oiartzungo udaltzainburuak zenbait gomendio eta hartu beharreko segurtasun neurri gogorarazi ditu Oiartzun Irratian.
- Suak gehienez hiru metroko altuera izan behar du.
- Ezin da edozein material erabili sua egiteko; egurra eta papera bezalakoak gomendatzen dira.
- Hamabost metroko distantzia egon behar da sua eta ibilgailu, altzari zein zakarrontzien artean, baita kable elektrikoen eta suaren artean ere.
- Urbanizatutako eta asfaltatuta dauden eremuetan ezin da zuzenean materiala pilatu.
Elkarrizketa osorik entzuteko, egin klik hemen.
