Gizon bat hil da Oiartzunen auto batek harrapatuta
Oiartzungo Lintzirin Industrialdean izan da harrapaketa; gidariak alde egin du, baina Ertzaintzak inplikatutako gidaria aurkitu du eta ikerketapean dago.
Lintziringo zubira ia hamar egunez egongo da itxita. 62 urteko gizona zendu da Oiartzunen auto batek harrapatuta. Atzo izan zen harrapaketa hori, 23:10ean Gi-636 errepideko 5,1 kilometroan, Oiartzungo Lintzirin Industriagunean. Gidariak alde egin zuen lekutik, baina Ertzaintzak inplikatutako aurkitu du eta ikerketapean dago.
Abisua jaso zuen Ertzaintzak Eusko Jaurlaritzaren Segurtasun Sailak jakitera eman duenez. Ibilgailu batek pertsona bat harrapatu zuela eta errepidean etzanda zegoela esan zioten abisu horren bidez. Bertaratu eta konorterik gabe aurkitu zuten gizona agenteek, ibilgailu batek harrapatutako zantzuekin iturri berek azaldu dutenez. Harrapaketaren lekuan, ustez gertakarian inplikatutako autoaren eskuin ispilua eta plastiko zatiak topatu zituzten. Horri esker, autoaren modeloa identifikatu ahal izan du Ertzaintzak, baita aurkitu ere Oiartzunen.
Biktima Donostia ospitalera eraman zuten, eta bertan hil da.
Ertzainek harrapaketan inplikatutako gidaria ere identifikatu du eta trafiko unitatea istripuaren ingurukoak argitzeko lanean ari da. Gidariari eginbideak zabaldu dizkiote, ikertu gisa.
