Uzta bikaina Arraun Olinpikoko Espainiako Txapelketan
Asteburuan Arraun Olinpikoko Espainiako Kimu, Haur eta Beteranoen Txapelketak jokatu dira Galizian. San Juan-Koxtape Arraun Elkarteko kideak hainbat dominarekin itzuli dira etxera.
Hilaren 4tik 6ra bitartean, Arraun Olinpikoko Espainiako Kimu, Haur eta Beteranoen Txapelketak jokatu dira Castelo de Miñan (Ourense, Galizia). Bertan San Juan-Koxtape Arraun Elkarteko bost kide aritu dira: Amalur Leon Gereño, Basagaitz Gereño Omil, Eusko Aranburu Ruiz eta Antton Sistiaga Lasa beteranoen mailan eta Anertz Gereño Legorburu haurren mailan.
Sanjuandarrek uzta bikaina jaso dute Galizian jokatutako txapelketan, hainbat dominarekin itzuli baitira etxera. Amalur Leonek eta Basagaitz Gereñok urrea lortu dute emakumezkoen beteranoen mailan. Horrez gain, beteranoen proba mistoan, zilarra zintzilikatu dute Amalur Leonek, Basagaitz Gereñok, Eusko Aranburuk eta Antton Sistiagak. Anertz Gereño Haur Mailako banakako proban aritu da Galizian.
