Mozorro Eguneko izen ematea ireki du Biyurrieneak
Abuztuaren 6an izango da egun hori, eta aurtengorako mahai jolasak gaia aukeratu dute. Abuztuaren 2a baino lehen eman behar da izena.
Biyurrieneak sare sozialen bidez jakinarazi duenez, aurtengo Mozorro Eguna abuztuaren 6an izango da, eta egun seinalatu horretarako gaia zein den ere zabaldu dute lau haizetara: mahai jolasak.
Egun horretan mozorro lehiaketa egingo dute, baina bertan parte hartzeko izena eman behar da dokumentu honetan, abuztuaren 2a baino lehen. Hala ere, egunean bertan ere izena emateko aukera egongo da txosnan, 20:00etatik 22:00etara.
Horretaz gain, sari banaketa abuztuaren 7an zehar egingo dutela ere kontatu dute; Instagram bidez jakinaraziko dute une zehatza noiz izango den.
Aurtengoan hiru sari egongo dira. Honakoak dira:
- 1. saria: Tolare jatetxean bazkari bat.
- 2. saria. Intxixu jatetxean bazkari bat.
- 3. saria: Iraitz harategian erosteko kupoi bat.
