Odola ematera deitu dituzte antxotarrak
Pasai Antxoko Odol Emaileek odol erauzketak egingo dituzte hilaren 16an Antxoko anbulatorioan, 16:30etik 20:30era.
Odol erauzketak hilaren 16an izango dira, Antxoko anbulatorioan. Datorren asteazkenean, hilaren 16an, hilabeteko odol erauzketak egingo dira Antxoko anbulatorioan, 16:30etik 20:30era. Hilaren 13an eta 14an Gotatanta atariaren bidez hartu ahal izango da hitzordua. Hilaren 15ean, aldiz, telefonoz erreserbatu ahalko da zita. Pasai Antxoko Odol Emaileek adierazi dute pazienteek COVID19-arekin zerikusia duen sintomaren bat baldin badute, odol emateetara ez bertaratzeko.
Ekaineko odol erauzketetan 23 odol poltsa jaso ziren, emaileetako bat berria izan zelarik. Sustatzaileek baietsi dute emaile berriak beharrezkoak direla naturaltasunez ematen diren bajak ordezteko. Hori dela eta, 18 urtetik aurrerako gazteei dei egin diete odol emateetara bertaratzeko.
