Ikurrina altxa dute erretiratuek: has daitezela santioak!
Itziar Aizkorreta Arruabarrenari eta Jose Luis Etxarri Gereñori aitortza egin zieten atzo Aiton Amonen Aterpean. Ikurrina igo zuten.
Itziar Aizkorreta eta Jose Luis Etxarri, dantzariekin, atzo.Eduardo Laboa Gaur hasiko dira 2025eko Donibaneko Santio Festak. Hala ere, herriko erretiratuek festen abiatzea aurreratu egiten dute, eta aurreko egunean Aiton Amonen Aterpeko masta nagusian ikurrina altxatzen dute, bertako atarian herriak egun bereziak izango dituela adierazteko. Horren arduradun Itziar Aizkorreta Arruabarrena eta Jose Luis Gereño izan ziren. Aitortza egin zien barrutiko erretiratuen bilguneak herrian eta herriaren alde egindako ibilbideagatik. Haiek izan ziren, merezita, Aiton Amonen Aterpearen jaien hastapeneko protagonista.
Ikurrina gorenean jartzeaz gainera, herriko dantzariek ohorezko Agurra dantzatu zieten. Pozarren ziren Aizkorreta eta Etxarri. Ohorez altxa zuten bandera, hunkituta. Senideak eta lagunak izan zituzten ondoan.
Esan bezala, gaur hasiko dira santioak. Behean ikus daiteke datozen egunetako egitaraua.
Aizkorreta eta Etxarri, ikurrina igotzen. Argazkia: Eduardo Laboa.
Donibaneko santioak. Datozen egunetako egitaraua.
Gaur, osteguna
- 18:00: Burrunba elektrotxaranga, Patxikutik plazarantz. Karropoteoa.
- 19:00: Buruhandiak, Meipitik plazara. Han erraldoiekin bat egingo dute.
- 20:00: Aurreskua, txupinazoa eta ikurrinaren igoera. Xatur Telletxeak botako du txupinazoa, urte luzez aritu baita Donibaneko Santa Ana elizako kanpandorreko ordulariaren zaintzan.
- 21:30: Gazte afaria, plazan. Gazte txupinazoa. Ondoren, giroa plazan.
- 00:00: Gorka txosnetan.
Bihar, ostirala. Santio Eguna.
- 07:00: Diana txarangarekin, txosnetatik plazako sokamuturrera.
- 07:30: Diana, Meipitik plazara.
- 08:00: Sokamuturra.
- 10:30: Gaztelutxoko igoera. Kaskoa derrigorrezkoa da.
- 12:00: Kantu jira, arrantzalez jantzita.
- 17:00: Haurrentzako jolasak eta txokolate jana, Santiago plazan.
- 17:30: Mus txapelketa, Bonantzan.
- 18:30: Donibaneko XXXV. Dantza solteko txapelketa.
- 20:00: Herri kirolak, Santiago plazan.
- 22:00: Allur dantza taldearen emanaldia, Santiago plazan.
- 23:00: Patty and Pipo, txosnetan.
- 23:30: Itzalpeko Laguna, Santiago plazan.
Etzi, larunbata. Santa Ana Eguna.
- 09:30: Ezinduak beren etxeetan jaso eta Santa Ana ermitara eramatea.
- 11:00: Erraketa txapelketa haur eta gazteentzat, frontoian.
- 11:00: Meza nagusia, Santa Anako ermitan. Ondoren, salda eta pintxo dastaketa, txistulariek girotuta.
- 13:30: Poteoa gramolarekin, Patxikutik plazara.
- 14:30: Kuadrillen bazkari autogestionatua, Santiago plazan. Ondoren, bingoa eta zumba herrikoia. Bukatzean, poteoa kale zaharrean.
- 20:00: Andoni Ollokiegi, txosnetan.
- 21:00: Laket taldearekin erromeria, Santiago plazan.
- 00:00: DJ Lolita, txosnetan.
- 00:30: Itzalpeko laguna, Santiago plazan.
Hilak 27, igandea. San Pantaleon.
- 11:00: Karabina txapelketa, frontoian. Hainbat kategoria, adinaren arabera: 8 urtetik behera / 8-12 / 12-15.
- 11:00: Jubilatuen eta arrantzaleen omenezko meza, Bonantzako basilikan.
- 14:00: Jubilatuen bazkaria, Santiago plazan.
- 15:00: Herriko kuadrillek sardinak eta ikatza jasoko dituzte Arizabalon.
- 16:15: Musika herrian barrena.
- 19:00: Sardina jana herri osoan.
- 20:00: Javi DJ, Santiago plazan.
- 22:30: Arrantzaleen danborrada Konstantzia bandarekin. Ondoren, Javi DJ.
- 00:00: Gorka txosnetan.
