Galtzarabordako kiroldegia itxita izango da abuztuaren 1etik 15era
Garbiketa eta mantentze lanak egiteko itxiko dute kiroldegia. Bazkideek harpidetzaren barruan izango dute Beraungo edota Fanderiako instalazioetarako sarbidea.
Udaro bezala Osasun Araudia betez, garbiketa eta mantentze lanak egiten dituzte Galtzarabordako Udal Kiroldegian. Hori dela eta, aurten ere abuztuaren 1etik 15era kiroldegia itxita egongo da.
Egun horietan bi igerilekuak erabat hustu eta garbituko dituzte. Hortaz gain, instalazioa fumigatu eta legionellari (bakteria bat) aurrea hartzeko lanak ere egingo dituzte.
Bitartean herritarrek Beraunen dauden estali gabeko igerilekuak zein Fanderiako igerilekuak erabili ahal izango dituzte. Horiek ohiko ordutegian egongo dira irekita. Aldi berean, muskulazio aretoko zerbitzuak ere erabilgarri izango dituzte.
Errenteriako Udalak ohartarazi duenez, bazkideek harpidetzaren barruan izango dute instalazio horietara sartzea. Informazio gehiago nahi duenak Galtzarabordako Kiroldegiko harreran eskuratu dezake edota 943 449 690 telefonora deituta.
