Lezoko zarata hel dadila Palestina eta Israeleraino
Gernika-Palestina Herri Ekimenak deitutako burrunbak ostiralean egingo dituzte. Lezoko kazerolada 18:30ean izango da.
Gernika-Palestina Herri Ekimenak burrunbak egiteko deialdia egin du ostiralerako, Euskal Herriko herri guztietan. Deialdi orokorra 19:00etarako egin dute, baina Lezon ordu horretan Altamira auzoko festak hasiko direnez, ordu erdiz aurreratu dute herriko deialdia: Lezoko burrunba edo kazerolada 18:30ean izango da, udaletxearen aurrean.
Israelek Gaza bere egin nahi du. Palestina gehiena ia erabat suntsitu ondoren, 63.000tik gora pertsona hil ondoren, inbasioa agindu du. Genozidioaren ondoren lurra kendu nahi die palestinarrei estatu sionistak. Euskal Herriko plaza nagusietan zarata egingo dute ostiral arratsaldean palestinarrei babesa azaldu, eta Israeli genozidioarekin amai dezala eskatzeko. Hel dadila sostengua Palestinara, eta salaketa Israelera.
